566

На што ги учиме нашите деца?

„Тато, ќе ми дозволиш ли денес да одам во црква?“, му рече на татка си едно мало девојче во неделата.

„Не!“, одговори таткото кој беше неверник. „Црквата не е за тебе. Таа е за баби и дедовци!“

„Но тато“, рече девојчето, „во училиште, на часовите по веронаука научив дека четвртата Божја заповед ни вели дека секоја недела треба да одиме во црква, за да Го почитуваме Бога“.

„Тоа се глупости!“, продолжи таткото.

„Но тогаш тато, ако е глупаво да ја исполнуваме четвртата Божја заповед, исто така е глупаво да ја исполнуваме и петтата Божја заповед, којашто нѐ учи да ги почитуваме родителите…“

Тие зборови на детето како гром поминаа низ главата на таткото, кој на крајот од краиштата му дозволи на детето да отиде во храмот.