2670

Годишен помен од блаженоупокоената игуменија Агнија

На денешен ден, 13 ноември, се навршува една година од блаженото упокојување на секогаш спомнуваната мати Агнија, игуменијата на нашата Свештена Пречистанска Обител, која долги години ѝ служеше на Пречистата Богомајка. По тој повод, вчера во благовештенскиот соборен храм на манастирот беше отслужена света заупокоена Литургија, со која чиноначалствуваше нашиот почитуван архипастир, Митрополитот Дебарско-кичевски г. Тимотеј, во сослужение со духовенство од нашата епархија. По завршувањето на Литургијата, митрополитот г. Тимотеј го возглави и молитвениот парастос за покој на душата на почината рабина Божја, игуменија Агнија. Трисагија за упокоени беше отслужена и на манастирските гробишта. 
На нашата голема радост, манастирот беше исполнет со многубројни верни, кои дојдоа духовно да се нахранат од светото богослужение, но и да ги принесат своите молитви за долгогодишната старешинка на овој значаен манастир, која својот монашки пат успешно го заврши, верата ја запази и во небесните обители се пресели. 


Вечен нека ѝ биде споменот!

Изестуваат сестрите од Свештената Пречистантска обител.