Sot, më 25 janar 2025, u nda nga kjo jetë dhe fjeti në Zotin Fortlumturia e Tij, Kryepeshkopi Anastas, i Tiranës, Durrësit dhe i gjithë Shqipërisë – një kandil i ndritshëm i fesë ortodokse, shtyllë e urtësisë dhe punëtor i palodhur në arën e Krishtit.
I paharrueshmi Kryepeshkop Anastas, me frymën e tij profetike, vizionin hyjnisht të frymëzuar dhe dashurinë e thellë për Krishtin dhe Kishën e Tij, e ringjalli dhe e ngriti Kishën Ortodokse Autoqefale të Shqipërisë. Nga rrënojat që kishte lënë pas regjimi ateist, ai e ngriti vendin si një tempull madhështor të fesë, shpresës dhe dashurisë.
Me një zell të pashoq dhe shërbesë vetmohuese për më shumë se tre dekada, Kryepeshkopi Anastas, me zgjedhje dhe bekimin e Madhërisë së Tij, Patrikut të Gjithëshenjtë Ekumenik z. z. Vartholomeu, vendosi dhe forcoi themelet e jetës kishtare, ndërtoi qindra kisha të shenjta, e ringjalli shërbesën baritore, themeloi institucione arsimore dhe bamirësie, dhe edukoi një kler të ri dhe të përkushtuar. Ai ishte një apostull i vërtetë i dashurisë, një dëshmitar i dritës së Krishtit në Shqipëri dhe në gjithë botën ortodokse.
Me përulësinë, urtësinë dhe shpirtin e tij të gjerë, Kryepeshkopi Anastas ishte një at shpirtëror i vërtetë për popullin ortodoks të Shqipërisë.
Qoftë kujtimi i tij i përjetshëm dhe i bekuar në Zotin! U prehtë në dritën e Ringjalljes dhe u gëzoftë në përqafimin e Atij të Cilit ia kushtoi gjithçka!
