Pas vizitës së paradites nga Ambasadori i Republikës së Shqipërisë, Shenjtërorja e Shenjtë e Bigorit u nderua sërish pasdite me një vizitë të rëndësishme: në oborret e saj të bekuara mbërriti Shkëlqesia e Tij z. Michalis Rokas, ambasador i Bashkimit Evropian në vendin tonë.
Në frymën e mikpritjes monastike, ai u prit me ngrohtësi nga jerondi i Shenjtërores, Hirësia e Tij, Peshkopi i Antanisë z. Parteni. Në një bisedë miqësore, jerondi e njohu të ftuarin e lartë me misionin shpirtëror, kulturor dhe shoqëror të Manastirit, duke ndarë gjithashtu mendime mbi sfidat aktuale me të cilat përballet njeriu bashkëkohor, si edhe për misionin e Kishës në botën e sotme.
Takimi i ngrohtë dhe i sinqertë u zhvillua në një atmosferë mirëkuptimi të ndërsjellë, respekti dhe vullneti të mirë, me shpresë që drita e traditës shpirtërore të vazhdojë të jetë një urë lidhëse mes popujve dhe kulturave.
