Me rastin e festimeve të ndritshme të Pashkës, me bekimin e Jerondit tonë, Hirësisë së Tij, Episkopit të Antanisë z. Parteni, sot bashkëvëllai ynë, arkimandriti Dositej, vizitoi miqtë dhe bashkëqytetarët tanë të dashur në Dibër, duke u dhuruar vezë pashkore – simbol i jetës, i fitores dhe i shpresës që Ngjallja e Krishtit i dhuron botës.
Në frymën e kësaj gëzimi festiv, arkimandriti Dositej zhvilloi një takim edhe me Kryetarin e Komunës së Dibrës, z. Fisnik Mela, ku u shkëmbyen urime dhe dëshira të sinqerta për paqe, shëndet dhe përparim për të gjithë banorët e qytetit.
Kjo vizitë edhe një herë e dëshmon frymën e respektit të ndërsjellë, mirëkuptimit dhe fqinjësisë së mirë që prej shekujsh kultivohet në Dibër – një qytet ku dallimet nuk janë pengesë, por pasuri, dhe ku bashkësia është themeli i bashkëjetesës. Në këto vlera, të rrënjosura thellë në traditën tonë, pasqyrohet forca e vërtetë e bashkësisë dhe shpresa për të ardhmen.
Le të mbushë gëzimi i Ngjalljes së Krishtit zemrat e të gjithë njerëzve me dashuri, paqe dhe mirësi. Krishti u Ngjall!
