Овој топол јулски ден, Бигорската Свештена Обител имаше чест да го пречека амбасадорот на Република Албанија во Скопје, Неговата Екселенција г. Денион Меидани. Амбасадорот оствари пријателска и срдечна средба со Старецот на Обителта, Епископот Антаниски г. Партениј, со кого разговараа за досегашните добри односи на Манастирот со албанската заедница и со Р. Албанија и за можностите за нејзино продлабочување во иднина.
Средбата се одвиваше во духот на взаемна почит, разбирање и искрено пријателство, со акцент на значењето што го има Православието за духовната и културната поврзаност меѓу двата соседни народи. Беше изразена заедничка надеж дека светлината на духовните и морални вредности, кои ги негува монашкото предание, ќе продолжи да биде мост на соработка и добрососедство.
