Одново доаѓа, нов почеток, ново рождество, нова надеж. Радосно се растреперува Црквата, подготвувајќи се во своето срце и во своите дворови за пречек на Божественото Новороденче.
Младенец ни се роди, Син ни се даде, со радост да Го пречекаме, со љубов да Го примиме. Та да запееме и ние радосно со ангелите: Слава во висините на Бога и на земјата мир, меѓу луѓето добра волја. Да учествуваме и ние во славното и најчудесно Рождество.
Сестрите од манастирот Рајчица, традиционално и оваа година почнаа со подготовките за божиќните пештери. Во пресрет на Рождеството украсете го својот дом со една од нив.
Со внесувањето на пештерата во својот дом, нека ви се умножи благодатта и мирот. Па да се помолиме заедно, мирот Свој да го испрати Господ во овој возмутен свет и да завладее љубовта и слогата.
Својата божиќна пештера, празничниот украс за Вашиот дом, може да го нарачате кај с. Филотеја: +389 77 551 287
ХРИСТОС СЕ РАЃА, НА СВЕТОТ РАДОСТ!
