Споменот на преподобниот Наум – предблесок на Рождеството Христово

Празник навистина велик, свештен и чудесен! Преподобниот Наум, патеводител на монасите и утеха на родот христијански. Светот го остави, телото со страстите го распна, другар на Владиката Христос се покажа. На Божествените висини се искачи и светилник за светот постана. Споменот на праведниот е со пофалби, со благодарност и со радост духовна.
Нашата Свештена Обител на Претечата Господен со Божествена Литургија, тајноводена од возљубениот ни старец и игумен, Епископот Антаниски г. Партениј, го прослави Наума, себлажениот подвижник и таткото на словенското монаштво, со благодарност и молитви кон Дародавецот Бог, за благослов на нашата земја и за серадосен дочек на сесветлото Рождество Христово!