Посета од Богословскиот факултет во Букурешт

Братството на Свештената Бигорска Обител вчера беше удостоено со посета на високи претставници од Православниот богословски факултет од Букурешт, Романија, и тоа:  проф. д-р о. Стефан Бучиу – декан на Факултетот, проф. д-р о. Константин Преда – заменик декан, проф. д-р о. Никусор Белдиман – раководител на оддел и д-р Думитру Сорика – професор по свештена уметност. Предводник на групата од македонска страна беше почитуваниот декан на Православниот богословски факултет во Скопје, проф. д-р Ѓоко Ѓорѓевски, а во својство на преведувач – нашиот теолог Иле Мицевски, докторант на Факултетот во Букурешт. Гостите имаа убава можност да се запознаат со историјата и содржините на Манастирот, како и со мисијата на нашето братство.