Книжевната колонија во Бигорски

Во духот на прекрасната традиција што беше воспоставена минатата година, поетите од Галичката книжевна колонија не пропуштија и овој пат да ја крунисаат својата осумнаесетта по ред поетска средба со поетско читање во Бигорскиот манастир, инспирирано од духовните и природните убавини на ова светилиште. Завршната средба на поетите кои неколку дена беа гости на славниот Галичник, а денес го почувствуваа и гостољубието на нашата света обител, започна со излагањето на проф. Вера С. Антиќ и нејзините стихословија посветени на нашиот старец, игуменот отец Партениј, во кои таа ги изрази своите впечатоци од искреното пријателство со игуменот и братството од овој манастир. Бројните гости присутни во манастирот имаа задоволство да слушнат вдахновена поезија од петнаесетина автори од земјава и соседството и да го збогатат своето книжевно искуство со оваа прекрасна културна манифестација.