Чоколадна торта без масло (на вода)

 

Чоколадна торта без масло (на вода)

Вкусна чоколадна торта, без масло за великопосните денови

Вид на јадење Десерт
Кујна Манастирска
Клучни зборови Посни јадења, Торта, Урми, Чоколадо
Време за припрема 10 минути
Време на подготовка 50 минути
Вкупно време 1 час
Сервирање 10 лица

Сосотојки

Пандишпан:

  • 250 мл. вода
  • 250 гр. шеќер
  • 400 гр. брашно
  • 1 м. лаж. сода
  • 4 лаж. мармалад мешан
  • 250 мл. газиран сок газоза, струмка
  • 250 гр. суво овошје сува смоква, сува кајсија, сува слива, суво грозје...
  • 2 портокали

Фил за премачкување:

  • 60 суви урми без семка
  • 100 гр. какао
  • 3-4 ванили или ванилин екстракт
  • 50 гр. шеќер во прав
  • 250 гр. ореви/лешници мелени
  • топла вода

Начин на подготовка

Пандишпан

  1. Во длабок сад истурете го брашното, водата, газираниот сок, шеќерот, содата и мешајте со миксер за да се соедини смесата. Потоа додајте го сувото овошје, мармаладот и повторно мешајте. Истурете ја смесата во плех во кој претходно се посипува малку брашно и печете на 180℃ околу 30-тина минути.

Фил

  1. Филот за премачкување се прави во блендер. Најпрво се ставаат сувите урми и екстрактот од ванила или ванилиниот шеќер и се додава мало количество топла вода колку да се добие густа смеса. Откако ќе се добие кашата од урми, се додава целото какао и мелените ореви (лешници). Се меша целта смеса во блендер за да се добие крем маса. По потреба се додава шеќер во прав во зависност од вкусот и од количината на урмите.

Подготовка

  1. Откако ќе се испече пандишпанот го покриваме со крпа да отстои 5-10 мин. потоа цедиме сок од портокал и го полеваме одозгора. Потоа го нанесуваме филот на сите страни и посолуваме со рендана кора од портокал (по желба може и кокос). Откако ќе олади целосно, тортата ја ставаме во фрижидер.

Предлог

  1. - Додавањето на шеќер во прав во филот зависи од урмите. Колку повеќе урми, толку смесата е по блага.

  2. - При блендирање на урмите и мешање на целата смеса во филот, можеби ќе биде потребно со лажица да се промешува, бидејќи самиот блендер нема толкава можност да ја испасира крем смесата бидејќи е многу густа.

  3. - Од тоа дали сакате да добиете потврда или помека смеса за филот со урми, зависи од количината на водата која се додава.

  4. - Доколку имате додадено премногу вода, може да додадете лебни трошки за да добиете погуста смеса.

  5. - По желба, во филот со урми можете да додадете 1-2 лаж. рум или друг овошен екстракт.