Осветена „Куќата на Мијаците“

Во пресрет на големата манастирска слава, денес Неговото Високопреосвештенство, Митрополитот Дебарско-кичевски г. Тимотеј, во сослужение со Митрополитот Повардарски, г. Агатангел, Високопреподбниот Архимандрит г. Партениј, јеромонахот Доситеј, свештениците Владо Недески и Роберт Илијевски и ѓаконот Николче Ѓурчиноски, го изврши чинот на осветување на етно-ресторанот „Куќа на Мијаците“, што се наоѓа на регионалниот пат Маврови Анови-Дебар, под Бигорскиот Манастир. Идејно осмислена од страна на нашиот игумен, Архимандрит Партениј, „Куќата на Мијаците“ претставува нешто повеќе од етно-ресторан – таа е, всушност, еден своевиден ресторан-музеј на мијачката култура, изграден целосно во духот на мијачката неимарска традиција. „Куќата на Мијаците“ ќе биде раководена од г. Јонче Николовски од Тетово.