Потребни сoстојки:
- 250 гр. непечена леблебија
- 2 моркови
- 1 кромид
- 1 пиперка
- 1 компир
- ½ чешне лук
- ½ лажичка буковец
- 2 лажици таан
- 1 лажичка сенф
- 1 лажица пченкарно брашно
- 1 ловоров лист
- 2 лажички зачин од зеленчук (Вегета, Зачинал…)
- Домата
- Оригано
- Бибер
- Сол
Начин на подготовка:
Леблебијата се мие и остава да стои во ладна вода, околу 12 часа. Потоа се цеди од водата и се става во длабок сад заедно со исецканите кромид, морков и пиперка да се вари на тивко околу 2 часа. Во меѓувреме се додава компирот, исецкан на ситни коцки и растворениот таан и се вари уште 30′. На крај се додава сенф, малку домата, ситно исецкано лукче, зачин, малку бибер, сол по вкус, ловоров лист, малку оригано и пченкарно брашно растворено со ладна вода. Се остава да повари уште 30′ и се трга од огнот.
