Потребни состојки:
- 400 гр. грав
- 2 моркови
- 1 кромид
- 1 праз
- 1 пиперка
- ½ чешне лук
- 2 ловорови листа
- 2 лажички буковец
- 2 лажици таан
- 1 лажичка зачин од зеленчук (Вегета, Зачинал…)
- 1 лажичка нане
- Бибер
- Сол
Начин на подготовка:
Гравот убаво се мие и остава да стои во ладна вода околу 6 часа. Откако ќе се исцеди, се става во подлабок сад, се додава вода и ситно исецкан кромид, потоа морков, праз и пиперка и се остава да се вари на тивок оган. После 15′ варење, се додава претходно растворениот таан и буковецот. Откако гравот добро ќе се свари, се додава ситно исецкан лук, зачин од зеленчук, ловоров лист, нане, малку бибер и сол по вкус и се трга од оган.
