Дваесетта Галичка книжевна колонија

Во денешното празнично попладне, Бигорската обител ја имаше честа да слушне стихотворенија на дваесетина истакнати поети, учесници на јубилејната дваесетта Галичката книжевна колонија, која традиционално својот завршеток го има токму во нашиот манастир. Поетското читање оваа година за прв пат се одржа во топлиот и вдахновувачки амбиент на Бигорската книгохранителница. Бигорското братство им се заблагодари на учесниците за нивните прекрасни поеми, а воедно на ораганизаторот на оваа културна манифестација, г. Тодор Чаловски, му го честита дваесетгодишниот јубилеј и му посака уште многу вакви јубилеи за во иднина.