Света Литургија за Богојавление по стар календар во присуство на Вселенскиот Патријарх

На 19 јануари, Богојавление според јулијанскиот календар, Вселенскиот Патријарх г. г. Вартоломеј претстоеше за време на совршувањето на светата Литургија во с. Триглија (Zeytinbağı) на јужниот брег на Мраморното море, недалеку од големиот град Пруса (Бурса), кадешто има општина од руски, украински и молдавски православни христијани. Тие се времено вработени во Турција, а доаѓаат од јуриздикцијата на Руската православна црква и го познаваат црковнословенското богослужение. Веќе неколку години за нив се извршуваат служби на црковнословенски јазик од страна на архим. Харалампиј (Ничев), родум од Бугарија, кој во меѓувреме стана и свештеник за бугарските цркви во Константинопол. Во обновениот стар храм тој периодично ги извршува богослуженијата за нив.