6422

Нов велелепен крст за Пречистанскиот храм

Во пролетните денови на Преполовението, среде сѐ уште присутната силна пасхална радост, блесна посилно од сонцето новиот раскошен руски крст што со својата импозантна големина и убавина го закити Пречистанскиот храм, откако претходно беше осветен од митрополитот Дебарско-кичевски Тимотеј. Ова прекрасно изработено знамение на Христовата победа, издигнувајќи се високо на небото, им донесе голема радост на новото сестринство во манастирот на Преблагословената и Пресвета Богомајка. И така совршено се слеа со околината како отсекогаш да бил тука, сведочејќи за силата на Православието на овие простори, дури и тогаш кога неблагонаклоната иноверна власт го држел во мрак и ропство нашиот верен народ.

Нека ова крсно знамение до крајот на вековите го осенува со своите благодатни зраци пречистанското светилиште и нека со силата на Христа Кој доброволно се распна заради нас, ги чува и заштитува оние што ќе пребиваат во него. Амин!