Чудо на свети Јануариј во Неапол

Таканареченото „чудо на свети Јануариј“ познато уште од крајот на ΧΙV век, после подолга пауза одново се случи во саботата во соборниот храм во Неапол. Имено засирената крв на овој заштитник и покровител на Неапол која што се чува во специјална стаклена епрувета, одново стана течна за време на празничната служба, на денот кога се празнуваше пренесувањето на светите мошти. На тој ден во центарот на Неапол се прави свечена литија. Наполитанците веруваат и се надеваат дека свети Јануариј никогаш нема да ги остави во неволја жителите на овој град. Ќе напоменеме дека свети Јануариј се празнува и во православната Црква бидејќи овој маченик, епископ Неаполски, живеел и пострадал во  ΙV век во времето на прогоните од страна на царот Диоклецијан, многу пред расколот од 1054 година.