Посета на директорот на КОВЗРГ г. Даријан Сотировски

Денеска во посета на Свештената Бигорска Обител дојде директорот на Комисијата за односи со верските заедници и религиозни групи, почитуваниот г. Даријан Сотировски. Тој беше гостољубиво пречекан и примен на средба со нашиот старец и игумен, Епископот Антаниски г. Партениј. Директорот и Старецот разговараа за повеќе теми, меѓу кои и за неодамнешните сослуженија во Светиот Град Ерусалим. Притоа,. директорот Сотировски ги окарактеризира тие свештени настани како мошне полезни и плодоносни за целото наше општество.