Викендов во посета на Свештената Бигорска Обител престојуваше градоначалникот на општина Куманово, г. Максим Димитриевски, заедно со својата сопруга г-ѓа Надица и со група пријатели. Ценетите гости беа гостољубиво пречекани од монашкото братство и имаа можност да присуствуваат на богослужбите и да ја почувствуваат молитвената атмосфера во Манастирот. Тие денес беа топло примени и од Старецот на Обителта, Епископот г. Партениј со кого водеа разговори на повеќе теми. Инаку, градоначалникот Димитриевски веќе подолго време одржува пријателски врски со Бигорскиот Манастир, имајќи го како место во кое го наоѓа својот духовен мир. Овој пат тој дојде, меѓу другото, и за да му се заблагодари на Свети Јован за победата на изборите за градоначалник, а нашиот Старец му честиташе за реизборот и му посака напредок во добродетелите и во народното дело.
