Врачено одличието „Претеча“ на г. Кирил Божиновски

Премилостивата Богомајка го донесе на Своето чествување на Чудотворната икона „Достојно ест“ и нашиот драг пријател и долгогодишен доброчинител на Манастирот, г. Кирил Божиновски од Битола и го удостои на овој голем ден да го прими одличието „Претеча“, кое му беше доделено на денот на свеченото осветување на Горни и Источен Палат (26 април 2015 г.), а кое тој не беше во можност да го подигне од оправдани причини. Неопислива беше радоста на неговото лице кога од рацете на нашиот возљубен Старец, Архимандрит Партениј, го прими ова високо одличие за своето пожртвувано помагање на Манастирот во сите овие години.