По петочната литургија, вдахновени од атмосферата во центарот на нашата духовност, Бигорскиот манастир, шест македонски готвачи го направија вкусното славеничко мени за прославата на илјадалетието на Бигорски, скромно и послушно почитувајќи ги инструкциите на манастирскиот готвач, отец Захариј
![](http://bigorski.org.mk/wp-content/uploads/2020/10/art-kujna-jubilej-Bigorski-manastir-1.jpg)
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-2.jpg)
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-3.jpg)
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-4.jpg)
Иако секогаш вешти и величенствени, се чини дека овојпат, дополнително инспирирани, вдахновени од Бигорската убавина, можеби и под влијанието на Бигорската чудотворна икона на Крстителот и на моштите на бројни светители, овие врвни мајстори направија едно вистинско вкусно чудо, свечена трпеза богата со традиција, но и во склад со новите гастрономски трендови.
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-5.jpg)
Велат дека присуствувале на петочната литургија, па вдахновено и со елан, но и скромно и послушно, и во согласност со манастирските правила и инструкциите на готвачот на манастирот, отец Захариј, следниот ден ја подготвиле оваа вкусна и величенствена трпеза.
![](http://bigorski.org.mk/wp-content/uploads/2020/10/art-kujna-jubilej-Bigorski-manastir-6.jpg)
Имено, манастирската трпеза (ручекот и вечерата), иако има некаква формалност, во секојдневјето е сепак скромна, а монасите никогаш не јадат месо, па за него нема место ниту на славеничката трпеза.
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-7.jpg)
Сепак, со оглед на поводот, свеченоста, но и гостољубивоста на свештеното бигорско семејство, празничното мени, велат овие големи мајстори на својот занает, било богато, во духот на традицијата и вкусот на македонската кујна. Главно, јадењата се превеле со продукти кои монасите и монахињите сами ги произведуваат.
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-8.jpg)
Салати, мешавина од сезонски артикли и зеленчуци, пити, питулици и манастирски леб, домашен ајвар, пинџур, сирење, кашкавал, пиперки полнети со кајмак, чорба од тиква со кисело млеко, печена риба, но и кромидарник со чаден крап во глинено грне.
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-9.jpg)
И за крај, посен десерт, повторно во духот на традицијата, варена тиква со мед и со ореви.
![](https://bigorski.org.mk/wp-content/uploads/2020/10/art-kujna-jubilej-Bigorski-manastir-10.jpg)