БИГОРСКИ МАНАСТИР – Со пригодна свеченост митрополитот г. Тимотеј, надлежниот архијереј на Дебарско-кичевската епархија, на денот на славата на Бигорскиот манастир, Св. Јован Крстител, ги освети темелите на новите манастирски конаци што ќе се градат на источната страна на манастирот. Во оваа пригода митрополитот Тимотеј истакна дека на местото каде што ќе се градат новите конаци постоеле конаци со многу скромни димензии, кои беа откриени кога се копаше и подготвуваше теренот за градба. Најголема инспирација е самиот покровител и градител на Бигорскиот манастир, игуменот архимандрит Арсениј од Галичник, кого го има на самата фреска нанајголемата манастирска трпе-зарија. Токму на овој простор тој го нацртал конакот на три ката. Денешниот игумен на Бигорскиот манастир, архимандрит Партениј, по 200 години, повторно ги оживува и започнува со остварување на идеите на многу генерации монаси. Новите конаци, во кои ќе бидат сместени манастирска библиотека на два ката, саат-кула со работилница за сликање, се градат со помош на Владата и на Алфа банка.
Киро Кипроски
Новинар, хроничар, публицист
