Посета на државна делегација во Бигорски

Денеска во посета на Свештената Бигорска Обител дојде Министерот за внатрешни работи, г. Оливер Спасовски, Директорот на Комисијата за односи со верските заедници, г. Даријан Сотировски и Државниот секретар за внатрешни работи, г-ѓа Магдалена Несторовска. Ценетите гости беа гостољубиво пречекани од нашиот старец и владика г. Партениј.
По повод илјадагодишниот јубилеј на Бигорски, Министерот Спасовски му подари на Старецот архијерејски жезол, а Владиката му го врачи на Министерот орденот „Претеча“, во знак на благодарност за искажаната поддршка и помош за евангелската мисија на нашата Обител.

На средбата се разговараше за впечатоците од великата прослава на Бигорското илјадалетие, за којашто сите ги искажаа своите воодушевувања.