Во Грузија, во текот на реставраторските активности во црквата „Преображение Христово“, во северозападниот град Цаленџик, беше откриена фреска на Света Нина од XIV век, на која таа истовремено го држи Евангелието и крстот. Уште нешто што ја прави фреската уникатна е натписот „Света Нина“ кој јасно се чита. На останатите фрески на оваа покровителка на Грузија кои се сочувани до денешен ден, натписите не им се гледаат со голо око. Фреската е дело на еден зограф од Константинопол, Кир Мануил Евгеникос, кој во периодот од 1384 – 1396 година бил ангажиран од високиот грузиски службеник Вамек Дадан да ја зографиса споменатата црква.
