Празнуваа 2.000 верници во Бигорски

Повеќе од 2.000 верници вчера во манастирот „Св. Јован Бигорски“ го празнуваа православниот празник Отсекување на главата на св. Јован Крстител. Богослужба отслужија митрополитите Тимотеј и Агатангел и игуменот на манастирот, архимандритот Партениј. Дводневното празнување почна во средата вечер, со бдение и вечера за гостите, а продолжи и вчера, со голем црковно-народен – собир.Освен верниците од сите краеви на Македонија, гостин беше и евроамбасадорот Ерван Фуере. Тој присуствуваше на замонашувањето на доскорешниот искушеник, скопјанецот Костадин Пеев, кој го зеде монашкото име Порфириј и стана член на Бигорското братство.