Епископ на ПЦУ за прв пат возглавуваше Литургија на Света Гора

Со благослов на архиепископот Епифаниј Думенко, а на покана од Вселенскиот Патријарх Вартоломеј, епископот на Одеса и Балтикот од Православната Црква на Украина, г. Павле Јуристи, ја посети Света Гора и на 8 февруари 2019 год. чиноначалствуваше со Светата Литургија во светогорскиот манастир Пантократор, откако претходната ноќ, браќата на манастирот и претставници на ПЦУ отслужија заедничка вечерна богослужба. Инаку ова е прва официјална посета на Света Гора и прва отслужена вечерна богослужба и Литургија на претставник од Православната Црква во Украина во некој светогорски манастир.