Мета: Бескрајно благодарен на срдечниот дочек на владиката Партениј и бигорското братство
Бескрајна благодарност до владиката Партениј и бигорското братство за топлиот и срдечен дочек, напиша албанскиот претседател Илир Мета на Фејсбук по вчерашната посета на Бигорскиот манастир.
![](https://bigorski.org.mk/wp-content/uploads/2020/11/Meta-Beskrajno-blagodaren-na-srdechniot-dochek-na-vladikata-Partenij-i-bigorskoto-bratstvo-1.jpg)
-Импресивна посета на манастирот „Свети Јован Крстител”, Бигорски манастир, кој годинава слави еден милениум од своето постоење. Ова е извонредно значаен божји храм и важен центар на православната вера, што секојдневно го посетуваат стотици верници, напиша Мета.
![](https://bigorski.org.mk/wp-content/uploads/2020/11/Meta-Beskrajno-blagodaren-na-srdechniot-dochek-na-vladikata-Partenij-i-bigorskoto-bratstvo-2.jpg)
Посочува дека за него било огромно задоволство да разговара со владиката Партениј.
-Задоволство ми беше да разговарам со владиката Партениј, особено за улогата што верските водачи треба да ја играат во негувањето на мирот, соживот и соработка меѓу граѓаните, без оглед на етничката припадност и религијата, особено во нашиот регион, кој страдаше толку многу од поттикнување дух на омраза, напиша Мета постирајќи повеќе фотографии.
![](https://bigorski.org.mk/wp-content/uploads/2020/11/Meta-Beskrajno-blagodaren-na-srdechniot-dochek-na-vladikata-Partenij-i-bigorskoto-bratstvo-3.jpg)
Не го крие ни чувството на задоволство што при посетата на Бигорскиот манастир бил придружуван и од дебарскиот муфтија, што е заедничка порака да се зачува верската хармонија.
![](https://bigorski.org.mk/wp-content/uploads/2020/11/Meta-Beskrajno-blagodaren-na-srdechniot-dochek-na-vladikata-Partenij-i-bigorskoto-bratstvo-4.jpg)
-Среќен сум што при оваа посета бев придружуван од дебарскиот муфтија, Решат Качалнику, за да сите заедно дадеме пораката за неопходноста од меѓурелигиска хармонија за доброто на народите и социјалниот напредок, напиша Мета.
Шефот на албанската држава за време на посетата на Бигорски се запиша и во книгата на спомени.
![](https://bigorski.org.mk/wp-content/uploads/2020/11/Meta-Beskrajno-blagodaren-na-srdechniot-dochek-na-vladikata-Partenij-i-bigorskoto-bratstvo-5.jpg)
-За мене денес беше извонредно изненадување да го посетам Бигорскиот Манастир на Свети Јован. Едно исклучително богатство за православните верници и за сето човештво. Уште еден повод не само да се биде горд за ова извонредно дело, но и за заедничко чување и промовирање. Ќе се вратам овде набргу, напиша албанскиот претседател Илир Мета во книгата на впечатоци при денешната посета на Бигорски манастир, напиша Мета.
На објавата на Фејсбук тој постира и повеќе фотографии од посетата на Бигорски манастир.
Извор.МИА