Посета на дебарскиот муфтија во Рајчица

По повод Велигденските чествувања, а во духот на традиционалниот соживот во Дебарско, денеска во посета на Манастирот на Свети Великомаченик Георгиј Победоносец во Рајчица дојде дебарскиот муфтија, ефенди Решат Качалнику, заедно со други преставници на дебарското муфтиство. Почитуваните гости остварија средба со нашиот брат Архимандрит г. Доситеј и со дел од сестринството. Муфтијата и неговите придружници ги честитаа велигденските празнувања и посакаа здравје, мир и благосостојба. Соживот и меѓусебната почит се длабоко вкоренети во културата на дебарско-реканскиот крај.