Премиерот Заев: Очекувам во најскоро време да има литургиско сослужение меѓу МПЦ-ОА и БПЦ

„Се надевам дека за сосема скоро ќе има заедничка Литургија меѓу Бугарската и Македонската црква“ – ова го кажа македонскиот премиер Зоран Заев во Лондон, како одговор на прашањето на Агенцијата БГНЕС дали го поддржува заедничкото сослужение меѓу Бугарската православна црква и Македонската православна црква – Охридска архиепископија.
„Во рамките на Договорот за добрососедство меѓу Република Македонија и Република Бугарија ние веќе сме се договориле дека сите дејствија, коишто ќе допринесат за задлабочување на соработката, ние ќе ги поддржиме. Јас се надевам дека за сосема скоро ќе имаме заедничка Литургија во нашата држава и во Бугарија“, рече Зоран Заев пред специјалниот пратеник на БГНЕС Георги Пашкулев. Според Заев заедничкото сослужение е исто така начин взаемно да се поткрепиме.
Зоран Заев и Бојко Борисов учествуваат во Лондон на Инвестицискиот форум за Западниот Балкан организиран од Европската банка за обнова и развој (ЕБОР). Во конференцијата учествуваат лидерите од сите земји во регионот.